Interpol Tirana ka bërë të ditur në një njoftim për shtyp se ka ekstraduar nga Greqia 2 shtetas të dënuar me 20 dhe 7 vite burgim në fushën e veprave penale kundër jetës dhe lirisë së personit, si dhe në fushën e narkotikëve.
Nga Zyra Qëndrore Interpol Tirana, u krye ekstradimi nga Athina – Greqi drejt vendit tonë, i shtetasve shqiptarë :
– Eduart Lulo, 33 vjeç, banues në Përmet.
Ky shtetas, është shpallur në kërkim ndërkombëtar për veprat penale ” Largim nga vendi i vuajtjes së dënimit” ” Armëmbajtje pa leje” parashikuar nga nenet 323/2 dhe 278/4 të Kodit Penal.
Sipas njoftimit zyrtar Lulo më datë 23.11.2013, në bashkëpunim me disa të burgosur të tjerë, është arratisur nga burgu i Drenovës ku po vuante dënimin prej 20 vitesh, për veprat penale ” Vjedhje me pasojë vdekjen” ” Plagosje e lehtë me dashje” dhe ” Armëmbajtje pa leje”.
Arrestimi i tij u krye në Athinë – Greqi, me datë 29.11.2013, nga ku u ekstradua për në vendin tonë.
Një tjetër shtetas, Franci Halili , 41 vjeç, lindur në Sarandë është ekstraduar nga shteti fqinj pasi ishte shpallur në kërkim për veprën penale ” Prodhim dhe shitje narkotikësh” për të cilën ishte dënuar me 7 vite burg.
Discussion about this post