Shtimi i papritur i rasteve të reja të infektimeve me koronavirus në Shqipëri ka ngjallur shqetësim tek të gjithë teksa në 24 orët e fundit janë regjistruar 42 raste të reja, shifra më e lartë që nga fillimi i pandemisë.
Profesor Ethem Ruka ka publikuar disa grafikë, ndërsa i shqetësuar shkruan vetëm: “No coment”. Kjo ka sjellë reagimin e mjekut Tritan Kalo, i cili zbulon edhe arsyet e rritjes së numrit të infektimeve, duke hedhur gishtin nga politika dhe mosrespektimi i masave.
Kalo komenton në statusin e Rukës: “Politika e praptë krijoj bindjen se Sars-Cov2/Covid-19 ishte një trill…Vetndërgjegjësimi, kujdesi individual e kolektiv, higjena individuale dhe kolektive, mbajtja e maskave ku ka grumbullime e në mjedise kolektive, ajrimi i kujdesshëm i mjediseve, hidrimi dhe ushqimi i shëndershëm, pak nga pak u braktisën dhe ja dy javë pas lehtësimit të masave kufizuese jemi këtu ku nuk DUHEJ të ishim.
Pas replikës së mjekut ka komentuar edhe biologu Ruka, i cili shprehet se nëse Europa nuk do kishte marrë masa do kishte mbi 3 milionë vdekje.
“Shume njerez i bien shkurt, duke e konsideruar pandemine si te parendesishme. Nese nuk do te kishte funksionuar karantinimi, sipas burimeve shkencore britanike, Europa do te kishte patur mbi 3 milione vde.kje. Doktor Kalo keni mirenjohjen tone. Mos u trishtoni kur ju gjykojne. Keshtu jemi gatuar, ju duartrokasim nga ballkonet e shtepive, pastaj harrojme dhe u masakrojme ne rrjetet sociale! Numri i ulet i vde.kjeve ka brenda pa asnje diskutim investimin tuaj profesional dhe perkushtimin e larte njerezor!”, shkruan profesor Ruka.
Discussion about this post