Ministrja e Drejtësisë Etilda Gjonaj ka vendosur që të zëvendësojë shumicën e drejtuesve në burgje. Burime bëjnë me dije se nga ndryshimet në drejtuesit e institucioneve të vuajtjes së dënimit janë prekur rreth 70% e drejtorave, që ishin aktualisht.
Ministrja e Drejtësisë, Etilda Gjonaj ka firmosur emërimin e Aurel Jazxhiut në krye të IEVP-së tek “Mine Peza” (302), ndërsa në krye të IEVP-së tek “Jordan Misja” është emëruar Eduard Strugaj.
Ndryshimet kanë prekur dhe burgjet në rrethe, ku në krye të burgut të Lezhës është vendosur Bukurosh Malluta,
në Durrës Agron Hysi,
në Elbasan Ermal Kurti,
në Fushë Krujë Qazim Hoxha,
në Vaqarr Fatbardha Hoxhalli,
në Lushnjë Zoi Rrushi,
në Shkodër Dedë Zhivani,
në Tepelenë Nasip Hoxha,
në Vlorë Egon Velaj,
në Sarandë Redi Rama
dhe Krujë Petrit Myslymi.
Situata në burgje shpeshherë ka qenë problematike, situatë e cila është kon firmuar dhe nga vetë drejtori i përgjithshëm i burgjeve Agim Ismaili, i cili teksa raportonte pak ditë ma parë në Komisionin e Sigurisë, pranonte me vetëdije se disa prej punonjësve janë vënë në shërbim të të dënuarve, duke iu siguruar atyre lëndën narkotike.
(E.K/Faxweb.al)
Discussion about this post