Presidenti i FSHF-së Armand Duka është së bashku me trajnerin Kristian Panuçi dhe sekretarin ilir Shulku në Dublin, ku kanë ndjekur nga afër shortin. Numri një i federatës ka komentuar për “Supersport”, në një lidhje telefonike, shortin e Shqipërisë.
“Sa i kënaqur jam nga 1-10? Shtatë. Më i kënaqur, se i pakënaqur mund të them. Kualifikohesh në fushë, jo nga shorti. Duhet derdhur djersë. Është short pozitiv. Imagjino që mund të ishte grupi i katërt me Gjermaninë dhe Holandën. Duke menduar atë grup, mendoj se është shumë mirë”.
“Pasi u hodhën dy skuadra e para, doja vetëm të mos kishim Holandën dhe Gjermaninë. Të gjitha janë të forta dhe është e vështirë. Janë ndeshje të forta për të gjithë. Franca është e fortë për të gjithë konkurrentët”.
“Kosova? Jam në tavolinë me stafin e Kosovës dhe janë të kënaqur që do luajnë me Anglinë. Mendojnë se do e fitojnë ndeshjen edhe në “Ëembley”. Zëvendëstrajneri po qesh, ndërsa presidenti Ademi e ka shumë seriozisht”.
“Stadiumi i ri? Do luajmë në këto kualifikuese në stadiumin e ri. Janë ngushtuar disi ditët dhe them se luajmë në qershor”.
Pwr shortin ka folur edhe trajneri i Kombëtares së Shqipërisë, Christian Panucci ka folur pas shortit të hedhur në Dublin.
“Mund të shkonte më mirë më keq, por ne e pranojmë. Do të bëjmë të pamundurën. Franca është favoriti kryesor”.
“Gjëja më e rëndësishme për ne është të rikuperojmë lojtarët. Nëse nuk kam lojtarët nuk do të kem rezultate. Në Shqipëri nuk interesohen për gjendjen e lojtarëve, vetëm për rezultatin”, deklaroi Panucci.
Tutje trajneri italian ka thënë se do të provojnë të dalin të dytët në grup.
“Ne duhet të shkruajmë historinë dhe duhet të luftojmë për të fituar. Shpresojmë që të kem të gjithë lojtarët gati. Uroj që të kemi lojtarët dhe të kemi zgjedhje”.
“Do provojmë të dalim të dytët, pasi Franca është favorite. Do të luftojmë me Turqinë dhe Islandën”, deklaroi trajneri italian (B.H/Faxweb)
Discussion about this post