Grupi parlamentar i Partisë Demokratike është mbledhur sot me shumë gjasa për të marrë një vendim nëse opozita do të hyjë në zgjedhje. Të pranishëm në këtë mbledhje eurodeputetët Daul, Mc Allister dhe Hahn përmes një video konference.
Kreu i opozitës Lulzim Basha ka deklaruar se kryeministri Rama nuk tërhiqet nga asgjë, ndërsa ka parashtruar të gjithë situatën politike në vend gjatë videokonferencës me Presidentin e grupit të Partive Popullore Evropiane, Jozeph Daul.
Ndërkohë komisioneri për Negociatat e Zgjerimit dhe Fqinjësisë në Bashkimin Evropian, Johannes Hahn i ka deklaruar grupit parlamentar të Partisë Demokratike se zgjedhjet do të njihen pavarësisht se nëse merr ose jo pjesë Partia Demokratike.
“Zgjedhjet do të njihen pavarësisht vendimit tuaj për të marrë pjesë apo jo”, është shprehur Hahn.
Kreu i PPE Joseph Daul, zv.presidenti David McAllister dhe eurokomisioneri Johanes Hahn i kanë kërkuar PD-së të rikthehet në negociata duke i garantuar të njëjtën ofertë si më 25 prill, kur ishin në Tiranë.
Kjo mbledhje vjen në një situatë mjaft të tensionuar politike, ku afatet për rregjistrimin e opozitës në zgjedhje kanë përfunduar, mirëpo kryeministri Rama ka premtuar se do gjendet një zgjidhje që edhe opozita të marrë pjesë.
Mirëpo kreu i opozitës Lulzim Basha dhe të tjerë eksponentë të rëndësishëm nga opozita, shprehen të palëkundur në vendimin e tyrer për të marrë pjesë vetëm përmes krijimit të një qeverie teknike, gjë e cila refuzohet kategorikisht nga kryeministri Rama. (D.D/Shuplaka)
