Shifrat e të prekurve dhe viktimave nga koronavirusi në botë janë të frikshme pasi deri tani Europa ka në total 28,550 raste, më shumë se gjysma në Itali, si dhe 1,198 të vdekur.
Sipas Organizatës Botërore të Shëndetit, Europa tani është kthyer në epiqendrën e koronavirusit në botë, me shfaqjen e më shumë rasteve të përditshme në kontinent, sesa kishte Kina në kulmin e shpërthimit të saj, Kreu i OBSH-së, Tedros Adhanom Ghebreyesus e bëri vlerësimin të premten, me shënimin e 5,000 vdekjeve globale nga Covid-19.
“Evropa tani është bërë epiqendra e pandemisë”, tha shefi i OBSH-së Tedros në një konferencë për shtyp në Gjenevë.
Teksa bëri një krahasim me vendin e origjinës së këtij virusi Kinën ai e vuri theksin tek situata në Europë duke e quajtur një epiqendër pandemie.
