Fax News bën me dije se Europoli ka shkatërruar një grup të trafikut të drogës, Mësohet se 18 persona kanë rënë në pranga dge 9 të tjerë janë në kërkim, ndërsa u është sekuestruar 1 ton drogë. Grupit gjithashtu u është sekuestruar 172 mijë euro, armë zjarri municion si dhe tetë automatikë.
Operacioni i koduar “Carambolas” u krye nga Europol në bashkëpunim me autoritetet spanjolle dhe ato gjermane.
Agjensia Evropiane e Antikrimit thekson se personat e arrestuar janë nga 8 shtete të ndryshme përkatësisht nga Kroacia, Gjermania, Spanja, Shqipëria, Armenia, Serbia, Siria dhe Turqia. Në faqen zyrtare të Europol deklarohet se grupi kriminal merrej me trafik droge dhe aktivitete të tjera të paligjshme në vendet e Bashkimit Evropian, kryesisht në Gjermani dhe Spanjë.
Nga të dhënat e Europol bëhet e ditur se baza e grupit ishte në qytetin e Malagas, në Spanjë, ndërsa drejtohej nga Bremeni në Gjermani.
Mësohet se hetimet nga strukturat e Europol dhe policitë përkatëse të vendeve, kanë nisur në qershorin e vitit të kaluar, pasi një shtetas gjerman, anëtar i rrjetit kriminal, u zbulua duke blerë një sasi të madhe të marijuanës në jug të Spanjës.
(E.L/Faxweb)
