Është pezulluar plani për lehtësimin e borxhit grek nga huadhënësit evropianë. Edhe më parë u ra dakort për dhënien e këtij borxhi huadhënësit u shprehën se nuk janë aspak të kënaqur me qeverinë greke për masat që po merr për shpenzimet e festave të fundvitit.
Sipas tyre Grrqia ka planifikuar të shpenzojë 617 milionë euro për t’i dhënë pensionistëve të varfër shtetëror një bonus para krishtlindjeve dhe kjo është një shumë e madhe për ekonominë greke. Mekanizmi evropian i stabilitetit, organizmi që ndihmon qeveritë e eurozonës në telashe u shpreh se nuk dëshironte që të miratonte këtë bonus dhe po bëhet një rishikim i kësaj pagese të propozuar për pensionistët.
“Pas propozime të fundit të qeverisë greke për të shpenzuar burime të mëtejshme për pensionet dhe TVSH-në, organet tona drejtuese kanë pezulluar vendimin e tyre përkohësisht. Aktualisht, institucionet po vlerësojnë impaktin e vendimeve të qeverisë greke në lidhje me objektivat “, deklaroi një zëdhënës i mekanizmit evropian te stabilitetit për mediat greke.
Më 5 dhjetor u arrit pakti për lehtësimin e borxhit grek e cila do të ulte interesat e borxheve greke. Por qeveria greke, pa u konsultuar me përfaqësuesit e eurozonës, vendosi të shpërblejë pensionistët vetëm 3 ditë më vonë.
Discussion about this post