Exit Poll-et në Hollandë, Berisha uron Mark Rutte: Fitore e europeizmit, pranverë e mbarë edhe në Shqipëri

Ish-kryeministri Sali Berisha reagon për rezultatin e Exit Poll-eve në Hollandë, të cilat favorizojnë fitoren e kryeministrit Mark Rutte.

Fitoren e Rutte, Berisha e cilëson si fitore të europeizmit dhe frenim të populistëve. Ai nuk i kursen urimet për kryeministritn hollandez, dhe aleatët e djathtë.

“Kryeministri Mark Rutte fiton zgjedhjet! Nje fitore e europeizmit, qendres se djathe dhe qendres ne Hollande.
– shkaterrim i te majtes, e cila zbret nga 38 ne 9 deputete
– frenim i populisteve
Nje urim te perzemert Kryeministrit Rutte, aleateve tane per kete fitore te rendesishme per Hollanden dhe mbare Europen.
Pranvere e mbare, ne Shqiperi do fitoje Qendra e djathte dhe Qendra: Opozita e Bashkuar!!”, shkruan Berisha.

Sipas Exit Poll-ve të para partia e Mark Rutte ka fituar 31 vende në parlamentin me 150 ulëse, ndërsa ‘Partia e Lirisë’ e udhëhequr nga Geert Wildersit dhe me qëndrime të ashpra kundër fesë islame dhe Bashkimit Evropian ka marrë 19 vende në parlament. (D.D/Shuplaka)