Vrasja e ambasadorit rus në Ankara, Andrey Karlov, mund të çojë drejt një konflikti të armatosur mes dy shteteve.
Edhe pse menjëherë pas vrasjes së diplomatit, Ankaraja zyrtare reagoi duke thënë se ky ishte një akt i bërë nga ekstremistët islamikë, situata mes dy shteteve duke se mbetet mjaft e nxehtë, gjë që faktohet edhe nga letërkëmbimet mes Kremlinit dhe Ankarasë.
Gazeta britanike “Express” ka bërë një analizë të gjatë, lidhur me mundësinë e një konflikti të armatosur botëror, çka do të sillte dhe fillimin e Luftës së III Botërore.
Sipas saj, situata mes Rusisë dhe Turqisë nisi të përkeqësohet vitin e kaluar kur pilotët turq rrëzuan dy avionë rusë, dhe menjëherë pas kësaj Rusia zyrtare ndërpreu marrëdhëniet diplomatike me Turqinë.
Por edhe në Siri, situata mes dy shteteve ka qenë mjaft e nxehtë, pasi rusët mbështesnin regjimin e Bashar Al Asad, ndërsa Turqia opozitën rebele.
Vrasja e ambasadorit Karlov mund të sjellë një përkeqësim të ri në marrëdhëniet mes dy shteteve. (A.R/SHUPLAKA)
