Kishim dëgjuar bashkëpunimin e agjensive të ndryshme për sinjalizimin dhe kapjen e personave me rrezíkshmërin të lartë, por së fundmi në mediat e huaja bëjnë me dije se pjesë e një aksioni të till është bërë edhe gjigandi i mediave sociale, “Facebook”. Ky i fundit ndihmoi FBI-në, për të kapur një person nga Kalifornia, i cili ngacmonte vazhdimisht vajzat në këtë rrjet social.
‘Facebook’ bën të ditur se e ka gjurmuar Buster Hernandez, për vite me radhë. Ai duke përdorur sistemin e sigurt të operimit Tails, ishte në gjendje të fshehte adresën e tij të vërtetë IP-së dhe vazhdoi të kontaktojë dhe ngacmojë dhjetëra vajza në Facebook.
Ekipi i sigurisë i Facebook vendosi të punojë me një firmë, për të krijuar një mjet hakimi, që mund të zbulonte adresën e vërtetë të IP-së së këtij personi. FBI përdori këtë mjet për të dërguar një video tek llogaria e Hernandez, përmes së cilës ata arritën të mblidhnin prova që çuan në arrestimin dhe dënimin e tij. Hernandez u shpall fajtor për 41 akuza, duke përfshirë zhvillimin e videove pornografike për fëmijët, kërcënimet për rrëmbime dhe vrasje. Facebook konfirmoi se ka punuar me ekspertë të sigurisë për të ndihmuar FBI-në.
Një zëdhënës i Facebook u shpreh: Ky ishte një rast unik sepse ai po përdorte metoda të tilla të sofistikuara, për të fshehur identitetin e tij. Ne morëm hapa të jashtëzakonshëm të punës me ekspertë të sigurisë, për të ndihmuar FBI-në ta sjellë atë para drejtësisë.
Bëhet e ditur se kjo është e vetmja herë që kompania ka ndihmuar duke marrë hapa të tilla, për kapjen e një personi të rrezíkshëm.
Discussion about this post