Transmetimi live për rreth 17 minuta i sulmit terrorist në Zelandën e Re këtë të premte, ku mbetën të vrarë 50 persona nga terroristi Brenton Tarrant, ka vendosur sërish në qendër të akuzave dhe polemikave një ndër rrjetet më të mëdha sociale siç është Facebook.
Facebook është akuzuar që nuk siguron asnjë filtër mbi videot live, apo mbi videot me përmbajtje dhune e krimi që shfaqen në të.
Pas shprehjes së ngushëllimeve, në një komentim për masakrën e Chrischurch të bërë nga përgjegjësja e Facebook në Zelandën e Re, Mia Garluick, ajo është shprehur se 24 orët e fundit rreth 1.5 milion video nga sulmi, dhe 1.2 milion video janë bllokuar teksa po ngarkoheshin në internet.
“Në respekt të personave të goditur nga kjo tragjedi dhe shqetësimeve të autoriteteve lokale, po heqim edhe të gjitha versionet e modifikuara të videos që nuk kanë përmbajtje grafike. Do vazhdojmë të punojmë ditë e natë për të hequr këto video, duke përdorur një kombinim të teknologjisë dhe të njerëzve’, është shprehur Garliuck.
