Facebook përjashton individët e rrezikshëm (EMRAT)

Facebook u ka fshirë llogarinë disa figurave të shquara që i konsideron si “individë të rrezikshëm”.

Rrjeti social akuzoi Alex Jones, pronarin e faqes komplotiste të internetit Infowars, redaktorin e tij në Mbretërinë e Bashkuar Paul Joseph Watson dhe ish-redaktorin e lajmeve të Breitbart, Milo Yianpopoulos për shpërndarje të gjuhës së urrejtjes.

Louis Farrakhan, kreu i kombit të Islamit, i cili ka shprehur pikëpamjet anti-semite, gjithashtu do të përjashtohet.

Facebook ka ndaluar tashmë grupet anti-islamike të Britanisë së Madhe të quajtura si Britania e Para.

Ky ndalim vlen edhe për Instagramin, platformë të cilën Facebook e zotëron.

“Ne kemi ndaluar gjithmonë individë ose organizata që nxisin ose angazhohen në dhunë dhe urrejtje, pavarësisht nga ideologjia”, tha kompania në një deklaratë.

“Procesi i vlerësimit të shkelësve potencial është i gjerë dhe është ajo që na çoi në vendimin tonë për të hequr këto llogari sot”.

Grupi i ndaluar gjithashtu përfshin Paul Nehlen, një supremacist i bardhë dhe Laura Loomer, një aktiviste anti-islamik me një prani të madhe të medias sociale.

Në nëntor, zonja Loomer prangosi veten në një ndërtesë të Tëitter në Nju Jork në shenjë proteste ndaj bojkotimit nga kjo platformë.

Supremacisti i bardhë, Paul Nehlen, gjithsesi ka të drejtë t’u drejtohet dy herë primarëve republikanë.

Megjithatë, Facebook është kritikuar për dhënien e paralajmërimit të ndalimeve, duke u dhënë të prekurve një shans për t’i përcjellë pasuesit e tyre në shërbime të tjera.

Për një kohë të shkurtër të enjten, Alex Jones po transmetonte në Facebook lajmin për ndalimin e tij të afërt.

“Unë jam gati të ndalohem nga FB,” shkroi z. Yiannopoulos për ndjekësit e tij në Instagram. “Lutemi të regjistroheni për listën time të postimeve përpara se kjo llogari të zhduket”.

Një zëdhënës në Facebook tha se ndalimi do të zbatohet për të gjitha llojet e përfaqësimit të individëve në Facebook dhe Instagram.

Firma tha se do të heqë faqet, grupet dhe llogaritë e ngritura për t’i përfaqësuar ata, dhe nuk do të lejonte promovimin e ngjarjeve kur e njeh që individi i ndaluar po merr pjesë.

Në një email, Facebook shpjegoi arsyetimin e tij për ndalimin e përdoruesve:

Ai tha se Alex Jones kishte pritur në programin e tij Gavin McInnes, kreu i djemve krenarë, anëtarët e të cilëve njihen për retorikën raciste, anti-muslimane dhe misogjiniste. Z. McInnes është përcaktuar si “figura e urrejtjes” nga Facebook.

Facebook tha këtë vit se Milo Yianpopoulos kishte lavdëruar publikisht zotin McInnes dhe themeluesin e Ligës së Mbrojtjes Angleze Tommy Robinson, të dy të ndaluar nga rrjeti.

Laura Loomer gjithashtu u shfaq me z. McInnes, dhe Facebook tha se ajo gjithashtu lavdëroi një figurë tjetër të ndaluar, Faith Goldy, një kanadeze.

Kreu i kombit të Islamit Louis Farrakhan u ndalua për të bërë disa vërejtje antisemite në fillim të këtij viti po nga kjo ptlatformë. Faxweb.al