Banorët e fshatit Gjerbes në Mallakastër janë të tronditur nga krimi makabër që tre të rinjë vranë dhe hodhën në rezervuar një 50-vjeçare pasi tentuan që ta grabisin.
Fillmisht 50-vjeçarja nga Mallakastra, Drita Saliaj u shpall e humbur me datën 5 janar, por pas dy ditësh u gjet e mbytur në rezervuar, ku ishte hedhur nga tre të rinjtë të cilët e kishin lidhur me shall.
Nipi i burrit të Drita Saliajt është Luis Saliaj, 16 vjeç, i cili bashkë me dy shokët e tij, Sindi Shehaj dhe Ervis Zotaj kanë hyrë në shtëpinë e 50-vjeçares për ta grabitur. Por pasi ajo ka kundërshtuar, ata e kanë lidhur me shall dhe e kanë vrarë. Trupin më pas ja kanë hedhur në rezervuarin e fshatit Gjerbës.
Fqinjët dhe banorët shprehen se gruaja jetonte e vetme pasi dy djemtë dhe burri i jetonin në emigracion.
Një nga banorët shprehet se nipi i Dritës ishte djalë i përkëdhelur dhe se e kanë vrarë qëllimishte për ta grabitur.
“Fëmijët i ka rritur në të keq jetonte veten. Na thonë që Drita nuk është në shtëpi. E ëma e këtij cunit i kishte çuar bukë në shtëpi. Nuk e di kush e ka bërë denoncimin. Ne e njohim. Nuk hapesh Drita me asgjë. Nëne e dy çunave. Ata ikën jashtë shtetit.
Me lopë merrej. Shiti lopë e viça ca pati asgjë tjetër nuk kishte. Edhe i shoqi asaj ëshët njëri në hall të tijin.
Janë 16 vjeç po nuk u falet e kanë bërë qellimisht. Të gjesh një nënë të vetmuar pa ta grabitur në shtëpi. Fajtor quhet ai nipi. Këtu në lagje jemi. Nuk di gjë. Është një djalë i përkedhelur. I priti si fëmijë. “- u shprehën banorët.
(M.Q/Faxweb.al)
Discussion about this post