Gjatë ditës së sotme, ambasadorja e delegacionit të BE-së Romana Vlahutin, u bë epiqendra e një skandali për blerjen e një vile në “Rolling Hills”, zonë për të cilën më parë shprehej se jetonin ata, “të korruptuarit”.
Megjithatë kandidati për Avokat Populli, Altin Goxhaj, ka zbuluar një tjetër kontratë kompromentuese për Vlahutinin.
Sipas kontratës në fjalë të nënshkruar midis ambasadores dhe biznesmenit Laert Duro, përpara se të bëhej blerja prej 1.6 milionë euro e vilës, Vlahutini duhej të paguante edhe 96 mijë euro qera për një vit, pra 8 mijë euro në muaj.
Por nëse delegacioni nuk do e blinte vilën për një vit, atëherë kishte detyrimin që të shfrytëzonte për 8 vite me qira atë.
“Qiradhënësi këtu i jep Qiramarrësit të drejtën e parablerjes për të blerë pronën e lëshuar me qira dhe Qiradhënësi merr përsipër të mos e shesë pronën e lëshuar me qira gjatë periudhës së kësaj kontrate qiraje (përfshirë çdo afat rinovimi) pa ja ofruar në fillim Qiramarrësit për blerje, me çmimin maksimal prej 1649000 € (një milion e gjashtëqind e dyzet e nëntë mijë euro). Gjatë periudhës së kësaj kontrate qiradhënieje si dhe gjatë secilës zgjatje të saj, Qiramarrësi do të ketë të drejtën të blejë pronën e lëshuar me qira dhe Qiradhënësi merr përsipër dhe garanton t’i shesë pronën e lëshuar me qira Qiramarrësit me çmimin maksimal prej 1649000 € (një milion e gjashtëqind e dyzet e nëntë mijë euro). Kjo shumë mund të rishikohet vetëm në rastin e ndryshimit të Legjislacionit Tatimor të Shqipërisë.”, sqaron Goxhaj nëpërmjet një statusi në Facebook.
Sakaq, portal “Hashtag.al”, shkruan se Goxhaj ka sqaruar për të se kjo kontratë tip është siguruar me USB nga burime të BE-së, nga zyrtarë korrektë që kanë interes në zbardhjen e kësaj afere.
Arsyeja pse kjo histori është bërë aq mediatike dhe aq problem është se delegacioni i BE-së zakonisht nuk blen rezidenca banimi për ambasadorët, por i merr me qera ato. Një tjetër arsye është edhe sepse çmimi i blerjes së rezidencës në fjalë është shumë më i lartë se vlera e tregut në këtë zonë.
[ngg_images source=”galleries” container_ids=”949″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
