Ndërkohë që dje në të gjitha mediat ndërkombëtare ishte lajmi se në zyrën e BE-së kishte një plan të qartë për ndërtimin e një kampi të ish-luftëtarëve të ISIS-it në Shqipëri ose Tunizi, kryeministri Rama gjen vend dhe të bëjë batuta.
Elementë të qeverisë kanë pranuar se një mundësi e tillë ekziston, ndërsa Julian Hoda, zëvendësministri i Brendshëm për median gjermane ZDF tha se Shqipëria ka aftësi pritëse për 600 mijë emigrantë.
Vetë Rama ka preferuar që të hedhë gurin dhe të fshehë dorën, duke mos dhënë asnjë përgjigje zyrtare lidhur me këtë çështje.
Ndërkohë dje i është përgjigjur një komenti në rrjetet sociale, duke thënë se ka në mendje të sjellë edhe marsianë në Shqipëri.
Komentuesi: Lere sheshin komunist, po shiko ate punen e refugjateve. Nuk na duhet BE me keto kushte, ose po dhe visten ke dhene dhe tenden.
Rama: Po po, do shikoj edhe punen e marsianeve qe do zbarkojne ne Shqiperi, patjeter? Lum budallai qe hedh gurin ne lume dhe gjen kaq shume te mencur qe zhyten e nuk e gjejne dot
Zërat se Shqipëria mund të zgjidhet nga vendet e BE-së si pritëse e refugjatëve nga Siria ka shkaktuar jo pak panik, pasi të gjithë ekspertët e sigurisë thonë se vendi ynë nuk e ka mundësinë e rehabilitimit të tyre, dhe aq më pak eksperiencë në fushën e trajtimit të rasteve terroriste.
Jo më larg se dje një reagim të fortë për këtë pati dhe ministri Pandeli Majko, i cili tha se në rast se ky është një kusht për çeljen e negociatave do të ishte më mirë që Shqipëria të rrinte jashtë BE-së.
(E.K/FAXWEB.AL)
Discussion about this post