Sot paradite është bërë pritja ceremoniale e kryeministrit Rama nga presidentja e Zvicrës, Doris Leuthard. Edi Rama ka preferuar të marrë me vete edhe Tonin Marinajn, kreun e Malësisë së Madhe.
Ai ka marrë me vete kryetarin e një bashkie të vogël si e Koplikut.
A është bërë kjo për karshillëk të Paulin Strekajt?
Së fundi disa portale e kanë sulmuar Sterkajn, por duket se ky është fakti i dytë që Sterkaj po lihet në hije.
A po diskutohet kështu emri që do të zëvëndësojë Paulin Sterkajn?
Paulin Stërkaj ka qenë deputet që në vitin 2005 në Shkodër.
Në zgjedhjet e 2013 ishte një nga krerët e listës së Shkodrës, pas Tom Doshit.
Çarja ka filluar pas zgjedhjeve lokale. Pas ikjes së Tom Doshit, Stërkaj mbeti drejtuesi i fushatës në Shkodër, ku PS-ja pretendonte të fitonte me Keti Bazhdarin. Por nuk ndodhi kështu. Fitoi PD me rezultat të thellë.
PS akuzoi Sterkajn se i ndau rezultatet në tavolinë, me PD dhe LSI duke shitur Shkodrën për Malësinë e Madhe. Madje edhe kandidati i PD në Malësinë e Madhe bëri një deklaratë të fortë kundër partisë së tij para zgjedhjeve.
Që atëherë, Sterkaj ka humbur të gjitha fuqitë në Shkodër, nuk ka patur më ndihmë nga qeveria, madje është goditur prej saj. Kryeministri jo vetëm që nuk e ka marrë me vete në asnjë prej vizitave në Shkodër, por ka refuzuar të shkojë në Bashkinë e Malësisë së Madhe. Ndarja është bërë fakt tashmë. Sterkaj ka kaluar për herë të dytë me PD-në, siç bëri në 2007 pasi votoi për Bamir Topin. Kjo hap 2 probleme për Ramën: I pari lidhet me ekuilibrin e maxhorancës sot, kur një largim i LSI mund ta lërë qeverinë pa maxhorancë dhe me punën në zgjedhje nesër, ku Stërkaj ka influencë të madhe në një zonë socialiste si Malësia e Madhe./SHUPLAKA
[ngg_images source=”galleries” container_ids=”1465″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
