Kryetari i Bashkisë së Pukës, Gjon Gjonaj, menjëherë pas kthimit nga një udhëtim jashtë vendit, ka vizituar familjen Përdeda, banesa e të cilëve u përfshi e gjitha nga flakët pak ditë më parë.
Duke qenë se nga banesa e vjetër nuk ka mbetur më asgjë, Gjonaj i dha familjes Përdeda lajmin që do të kontribuonte personalisht për ndërtimin e një banese të re.
“Ndonse me pak vonesë për shkak se nuk ndodhesha në Shqipëri, jam sot këtu me ju për të uruar në radhë të parë që kanë shpëtuar anëtarët e familjes tuaj dhe për t’ju garantuar se në këtë hall me të cilin ju u përballët jemi bashkë. Do e ndërtojmë një banesë të re sëbashku, puna për të cilën shpresoj të fillojë brenda kësaj fundjave”, tha Gjonaj.
I zoti i shtëpisë, Jak Përdeda e falenderoi përzemersisht kreun e bashkisë, që do të kontribuojë përmes ekonomisë së familjes së tij në ndërtimin e një banese 100 metër katrorë.
“Unë nuk kam votur për ty dhe nuk kishe detyrim të bëje këtë nder të madh për mua, por do të jem mirnjohës për jetë”, iu drejtua kryefamiljari, kreut të bashkisë të Pukës.
Mirëpo Gjonaj iu përgjigj se këtë gjë e dinte tashmë, por kjo nuk nënkupton që ai do t’i linte në këtë vështirësi.
“Votën dërgoje sërisht ku të duash, unë po mundohem të jap një kontribut njerëzor që nuk dua ta lidhesh ti dhe askush tjetër me fushatë”, shtoi Gjonaj.
Sakaq, kreu i Bashkisë së Pukës kërkoi nga ALUIZN-i fillimin e proçedurës për për proçesin e legalizimit. Puna për ndërtimin e banesës së re pritet të fillojë brenda fundjavës së ardhshme. (D.D/Shuplaka)
[ngg_images source=”galleries” container_ids=”1511″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post