Në emisioni investigativ Ajserbg të gazetarit Artur Çani, u trajtua problemi me të cilin përballet pronari i një sipërfaqe toke për në brigjet e detit Adriatik ndryshe në vendin ku lumi Seman derdhet në det.
Pronari i saj nga fisi Cakrani, Kujtim Cakrani thotë se ky problem me pronësinë e tij ka dalë pas devijimit të lumit Seman në vitin 1945. Ai thotë se ka kërkuar në gjykatë që t’i njohin një sipërfaqe prej 350 hektarësh nga e cila 100 hektarë kërkon ti kthehet në tokë dhe për pjesën tjetër shteti t’ia kthejë në formë monetare.
Cakrani thotë se momentalisht prona në fjalë është tentuar të kalohet në pronësi të Miti Zhezhit përmes falsifikimit të dokumenteve.
“Nuk më rezulton që përveç familjes tonë të kemi pasur ndonjë kufitar tjetër përveç lumit Seman dhe detit Adriatik, u shpreh pronari i tokës Kujtim Cakrani”.
Ndërkohë mësohet se janë falsifikuar disa dokumente me të cilat provohet se prona nuk është në emrin e familjes Cakrani por atë të fisit Zhezhi dhe si pronar del Miti Zhezhi.
Në kadastrat shtetërore nuk figuron në asnjë rast që familja Zhezhi të kishte lidhje me pronën në fjalë dhe krejt e kundërta rezulton me familjen Cakran.
Cakrani ka bërë kërkesë edhe ministres Sonila Qato e cila ndër të tjera i thotë që ti drejtohet prokurorisë, ndërkohë që denoncuesi thotë se tek prokuroria e kishin mbyllur çështjen e tij.
https://www.facebook.com/faxweb.al/videos/319197435407996/
(F.GJ/FAXWEB.AL)
