Ka nisur procedimi penal ndaj një ish-regjistruesi në ZVRPP-në e Pogradecit. Shtetasi me iniciale SH. T. 54 vjeç, banues në Pogradec akuzohet se gjatë kohës që ka qenë në këtë post, gjatë viteve 2012-2014, ka shpërdoruar detyrën.
Konkretisht, ai akuzohet se ka kaluar tokën e një 84-vjeçari në pronësi të një shtetasi tjetër.
Materialet për këtë rast i janë kaluar Prokurorisë së Rrethir Gjyqësor Pogradec, për hetim të mëtejshëm.
Detaje të Policisë së Pogradecit:
Specialistët e Seksionit kundër Korrupsionit në Drejtorinë Vendore të Policisë Korçë filluan procedimin penal në gjendje të lirë ndaj shtetasit :
Sh.T, 54 vjeç, banues në Pogradec.
Procedimi ndaj tij filloi pasi ky shtetas kur ka qenë me detyrë regjistrues në ZVRPP-Pogradec (në vitet 2012-2014) dyshohet se një sipërfaqe toke prej 880 m2 në pronësi të shtetasit S.M, 84 vjeç, banues në Pogradec, e ka kaluar në pronësi të një shtetasi tjetër.
Materialet i kaluan Prokurorisë të Rrethit Gjyqësor Pogradec, për veprën penale : “Shpërdorimi i detyrës” parashikuar nga neni 248 i Kodit Penal.
(XH.A/SHUPLAKA)
Discussion about this post