Dënohet me 4 vite burg me akuzën e mashtrimit dhe falsifikimit të dokumenteve ish banori i “Big Brother Albania”, Elton Tozaj.
Ky i fundit prezantohej si punonjës i Bashkisë së Tiranës dhe i Ministrisë së Brendshme duke përfituar shuma të mëdha parash nga persona të ndryshëm të cilëve u premtonte kredi të buta për të blerë banesa.
Në një rast ai ka falsifikuar edhe firmën e ministrit të Brendshëm Saimir Tahiri duke mashtruar një biznesmen të cilit i premtoi dhënien me qira të vilës së Enver Hoxhës në zonën e ish-bllokut në Tiranë.
Sipas asaj që shkruan gazeta “Panorama”, Prokuroria kërkoi dënimin me 8 vite burg, por Gjykata e dënoi me 4 vite duke marrë parasysh edhe gjykimin e shkurtuar.
Avokati mbrojtës kërkoi dënimin me Shërbim Prove, por kërkesa u refuzua nga gjykata. (A.R/SHUPLAKA)
