Është kapur dhe ndaluar një shtetas 42-vjeçar në Dibër, i cili akuzohet për falsifikim të dokumentave kartona jeshil.
Shtetasi me iniciale A. T. 42 vjeç, me detyrë agjent sigurimi në një shoqëri private, ai dyshohet se ka falsifikuar dy dokumenta kartona jeshil “police sigurimi”.
Ndaj tij është vendosur masa e “arrestit me burg”.
Detaje të Policisë së Dibrës:
Kapet dhe ndalohet Agjenti i Sigurimeve i një shoqërie private, filiali Dibër, i shpallur në kërkim për veprën “Falsifikim i vulave, stampave ose formularëve”.
Nga Specialistët për Hetimin e Krimit Ekonomik e Financiar në D.V.P, Dibër, në bashkëpunim me Komisariatin e Policisë Dibër, dhe shërbimet e Policisë Kufitare Bllatë, gjatë ditës së djeshme u kap shtetasi i shpallur në kërkim :
- T, 42 vjeç, banues në Peshkopi-Dibër.
Ky shtetas është shpallur në kërkim me datë 06.05.2017, pasi duke qenë me detyrë Agjent i Sigurimeve në një shoqëri private, filiali Dibër, dyshohet se ka falsifikuar 2 dokumenta kartona jeshil “police sigurimi”.
Për këtë shtetas Gjykata e Rrethit Gjyqësor Dibër me vendim nr.36, ka caktuar masën e sigurisë ‘Arrest në burg’, për veprën penale “Falsifikim i vulave, stampave ose formularëve”, parashikuar nga neni 190 i Kodit Penal.
(XH.A/SHUPLAKA)
