Policia e Pogradecit ka vënë në pranga drejtorin dhe një mësuese të një shkolle profesionale, në akuzën e “falsifikimit” dhe “shpërdorimit të detyrës”. Ata akuzohen se kanë falsifikuar regjistrin e shkollës.
Njoftimi i Policisë
Specialistët e Seksionit kundër Krimit Ekonomik-Financiar, në Drejtorinë Vendore të Policisë Korçë, filluan procedimin penal në gjendje të lirë ndaj shtetasve :
I.S, 46 vjeç dhe L.I, 31 vjeçe, të dy banues në Pogradec.
Procedimi ndaj tyre filloi pasi, duke qenë (aktualisht) me detyrë drejtor dhe mësuese matematike, pranë një shkolle të mesme profesionale në Pogradec, dyshohet se kanë falsifikuar një regjistër të vitit të tretë të kësaj shkolle.
Materialet në ngarkim të tyre i kaluan Prokurorisë të Rrethit Gjyqësor Pogradec, për veprat penale: “Shpërdorimi i detyrës” dhe “Falsifikimi i dokumenteve shkollore” parashikuar nga nenet 248 dhe 187 të Kodit Penal.
Discussion about this post