Pas sulmit në Barcelonë fotoja e Julian Cadman ,7-vjeçarit me origjinë britanike-australiane u bë virale pasi ai u shpall i humbur nga familjarët e tij. Mirëpo situate ishte edhe më e rëndë sesa kaq.
Policia vendase e konfirmoi vogëlushin si një nga 13 viktimat që mbetën të vdekur gjatë sulmut.
Juliani ishte bashkë me të ëmën, Jom, e cila ishte plagosur rëndë, por siç u raportua ishte stabilizuar në spital. Pas lajmit të policisë familjarët e të voglit të tronditur thanë se ‘do t’i mbanin mend gjithmonë buzëqeshjet e tij dhe kujtimin e tij do ta mbanin në zemër.
“Julian ishte kaq i dashur dhe i adhuruar në familjen tonë dhe u mor barbarisht nga ne ndërsa shijonte peizazhet e Barcelonës me mamanë e tij. Ishte kaq energjik dhe argëtues, gjithmonë sillte buzëqeshje në fytyrat tona. Jemi të bekuar që e kishim pjesë të jetës tonë dhe do ta mbajmë kujtimin e tij si shumë të dashur në zemrat tonë.”
Ata falënderuan të gjithë njerëzit dhe ekipin e kërkimit për punën e palodhur. Menjëherë pas sulmit babai dhe gjyshja e Julianit udhëtuan nga Australia drejt Spanjës, ndërsa gjyshi nisi publikimin e fotos së tij në rrjete sociale, në mënyrë që të gjithë të ndihmonin sadopak në gjetjen e tij.
(E.K/SHUPLAKA)
Discussion about this post