18 vjeçarja Eugersa Bregu nga fshati Bushnes i Krujës bën thirrje për ndihmë për shkak se vuan nga një sëmundje e rëndë, e tipit sklerozë e shumëfishtë.
Nxënësja ekselente për shkak të sëmundjes u detyrua të ndërpresë shkollën teksa ndodhet në vitin e tretë. Familja e saj ka konsumuar çdo mundësi për kurimin, por tashmë e vetmja mundësi është kurimi i mëtejshëm në Itali, ku dhe ndodhet vajza, çfarë është e pamundur të përballohet nga familja, të cilës i duhen 80 mijë euro për të mbuluar vetëm koston e kurimit.
Në një mesazh në redaksinë e Faxweb.al, mësuesi i saj Kostandin Pula, thotë se familja ka shitur çdo gjë, po e ka të pamundur që të mbulojë kostot e kurimit të vajzës.
“Eugersa është një nxënëse me të gjitha dhjeta. Ajo është diagnostikuar me një formë të rrallë të Paralizës nervore. Ajo thotë se rrezikon të mbetet në karrocë me rrota, por nuk e di që kjo sëmundje mund ta çojë në koma.
Familja e saj ka shitur gjithçka, makinë, shtëpi, gjithçka tjetër. Do ju lutesha shumë të na ndihmoni duke na vënë në kontakt me biznesmenë, fondacione, dhe njerëz që mendoni se mund të na ndihmojnë”, shprehet mësuesi i Eugersës.
Më poshtë është dhe apeli që vetë e reja bën për të marrë ndihmë nga ana e shqiptarëve:
