Familjarët e njërit prej personave të mbetur të vdekur në rrugën “Faik Konica” në Tiranë janë paraqitur pranë morgut ku ndodhen trupat e 2 punëtorëve të vdekur.
Bëhet fjalë për familjarët e Ergys Brahimajt të cilët fillimisht nuk janë lejuar të futen brenda spitalit, por që më pas është futur vëllai i viktimës nga ku ka identifikuar fatin tragjik të Brahimajt.
Ndërkohë gazetari i Fax News, Sokol Dema i cili ndodhet pranë ambienteve të spitalit të Traumës raporton se sipas informacioneve, punëtorët e firmës që pu rikonstrukturonte një pallat, nuk ishin të siguruar fizikisht, diçka të cilën e ka konfirmuar edhe kreu i Konfederatës së Sindikatave të Shqipërisë, Kol Nikollaj në një lidhje telefonike me Fax News.
Burime për Faxweb.al bëjnë me dije se dy viktimat e ngjarjes tragjike janë Ergys Brahimaj dhe Orjan Kodra, ndërsa të plagosurit që kanë mbërritur në Spitalin e Traumës janë Genti Bardhi 29 vjeç, Euglidios Lika 34 vjeç dhe Altin Marku 36 vjeç.
Ndërkohë nga burimet mësohet se shkak për ngjarjen e rëndë është bërë shembja e skelave, të cilat I përkasin firmës “Skyla” e cila pritet të hetohet për aksidentin e rëndë si dhe pasigurinë e punonjësve në punë.
Një ngjarje e rëndë ka tronditur ditën e sotme kryeqytetin, ku 5 punëtorë kanë rënë nga skela dhe për pasojë dy kanë mbetur të vdekur dhe tre janë në të shtruar në spital në gjendje të rëndë.
Siç edhe është publikuar në Faxweb.al, punëtorët po punonin nën mungesën totale të sigurisë në punë dhe jashtë çdo kushti teknit, gjë që shkaktoi edhe këtë tragjedi.
Por skandali thellohet edhe më tej, pasi projekti ku po punonin punonjësit ishte i financuar nga Bashkia Tiranë për rregullimin e fasadës, në pallatin ku banonte zv. kreyministri Erion Braçe (lexo ketu)
(F.GJ/FAXWEB.AL)
Discussion about this post