Familjarët e të ndjerit Kristi Panajoti, që humbi jetën në aksident një ditë më parë, kanë paditur firmën e ndërtimit që merret me punimet e Lungomares. Ata e akuzojnë firmën e ndërtimit si përgjegjësen kryesore për vdekjen e djalit të tyre. Familjarët e 17- vjeçarit kërkojnë që çështja të hetohet dhe shkaktarët të dalin para drejtësisë .
Sipas tyre, aksidenti nuk ka ndodhur si pasojë e daljes nga rruga të makinës por si pasojë e një grope që ishte e hapur në mes të rrugës nga firma, si edhe prej mungesës së sinjalistikës. Familjarët e Kristit, i cili humbi jetën mbrëmjen e djeshme në Vlorë, janë revoltuar edhe mbi deklaratën e policisë.
Sipas familjarëve, djali i tyre sëbashku me kushëririn po ecnin në rrugë të drejtë, ndërsa gropa ishte e hapur në mes të saj dhe njëkohësisht në rrugë nuk kishte as ndiçim dhe as sinjalistikë.
Ndërkohë sipas policisë, automjeti tip “BMË X6” që drejtonte djali i biznesmenit vlonjat Renato Panajotit, ka dalë nga rruga dhe ka rënë në kanal aksin rrugor Uji i Ftohtë – Skelë.
Po kush është firma që merret me punimet në këtë aks? Është pikërisht firma që bën punimet në Lugomare : XH E M shpk Tiranë, me president dhe nënkontaktor të saj Islam Begën. Ndërsa administrator është Fatmir Merkaj.
