Të gjithë e mbajnë mend Bradley Lowery, djaloshi i cili zbriti në “Wembley” gjatë sfidës së Anglisë me Lituaninë, kur futbollisti Jermain Defoe e mbante për dore.
Loëery 6-vjeçar, i cili preku zemrat e të gjithëve për shkak se një moshë aq të vogël dueht të përballet me një sëmundje të rëndë duket se ka ardhurdrejt fundit.
Mamaja e tij ka shkruar në një status në “Facebook”: Është shumë afër së shkuari tek engjëjt”. Nga kjo duket se është prekur edhe është futbollisti i Bournemouth dhe këtë e vërteton edhe konferenca e tij e fundit për mediat.
Kur gazetarët e pyetën për gjendjen e fansit të tij të vogël, Jermain Defoe shpërtheu në lot. 34-vjeçari u shpreh se ai flet çdo ditë me familjarët e tij.
“Ka qenë e vështirë, ka qenë e vështirë sepse kam qëndruar me të për shumë kohë, duke u përpjekur të jem i fortë për familjen time dhe të tij.
Nuk di të gjej fjalë për t’u shprehur sesi ndihem. Ka qenë një kohë shumë e veçantë kjo e kaluar me Bradley.
Flas me familjarët e tij çdo ditë, isha me të para disa ditësh dhe ishte e vështirë t’a shihja atë të vuante ashtu.
Ndjeva se isha i përgatitur për të pasi shkova atje së bashku me babain tim, por ishte aq e vështirë për të parë atë fëmijë në atë moshë duke luftuar me jetën.
Unë mund të them se është çështje ditësh, por unë mund të them se ai do jetë gjithmonë në zemrën time edhe për pjesën e jetës që më ka mbetur.”, është shprehur Defoe.
Ndërkohë, gjatë një interviste të para pak kohëve, Defoe është shprehur se vogëlushi e ka ndryshuar atë si person.
“Shkoj ta vizitoj në spital sa herë që kam pak kohë të lirë. Është e vështirë të përpiqesh të mbash qetësinë dhe emocionet sa herë e shikoj pasi më krijon një ndjenjë të papërshkrueshme.
Njëherë shkova në spital dhe ai i tha mamasë së tij ‘a mund t’i fikësh dritat?’ Më pas mu drejtua mua ‘ a do vish në shtrat?’ Unë ia ktheva ‘nuk ka problem Brad.
Kështu që unë shkova në shtrat dhe ai më mbuloi e më përqafonte. Ishte një ndjenjë e mahnitshme”, janë fjalët e futbollistit. (D.D/Shuplaka)
Discussion about this post