Fansi i tij i vogël vritet nga tërmeti, gjesti i Christiano Ronaldo-s i përloti të gjithë

Mes më shumë se 300 viktimave të tërmetit të pak ditëve më parë në Meksikë, bënte pjesë edhe një djalë 6-vjeçar, i cili ishte një tifoz i zjarrtë i yllit të Realit të Madridit,Christiano Ronaldo.

Pas lajmit të hidhur, Ronaldo është solidarizuar me familjen e fansit të tij të vogël, Santiago Flores.

 “Në këto momente të vështira dua t’i shpreh ngushëllimet e mia të sinqerta për familjen e Santiagos dhe gjithë familjarëve tjerë që kanë humbur më të dashurit e tyre”, ka shkruar Ronaldo në profilin e tij.

Futbollisti potugez ka publikuar një fotografi të vetes, ku shihet teksa mban në duar një bluzë me emrin dhe numrin e tij, si edhe një mesazh dedikuar Santiagos: “Për fansin tim numër 1, Santiagon, me shumë dashuri”. Në foto ronaldo shihet me sy të nxirë dhe të përlotur.

Gjashtëvjeçari Santiago Flores, ishte një nga 20 fëmijët e vrarë tragjikisht kur shkolla e “Enrique Rebsamen” u shemb pas tërmetit me magnitudë 7.1 ballë.  (D.D/Shuplaka)