Një nga viktimat e sulmit në Manchester, Olivia, kishte rregjistruar një këngë për bamirësi.
Prindërit e Olivias, të ftuar në emisionin “Good morning Britain”, thanë se donin ta publikonin këngën.
Në emision, si surprizë ishte i ftuar këngëtari John Legend, i cili bëri një deklaratë mjaft prekëse për prindërit e Olivias 15-vjeçare.
“Unë mund ta imagjinoj dhimbjen që ju keni. Unë kam një vajzë të vogël prandaj e di këtë ndjenjë. E kuptoj që ajo ishte fanse e muzikës time dhe këndoi këngën time për një spektakël talentesh, ku fitimet donte ti dhuronte për bamirësi. Dua t’ju falenderoj dhe t’ju them se u preka nga performanca e saj. Do të mbështes gjithmonë talente të tilla. Ju dërgoj shumë dashuri nga larg,” tha John Legend për prindërit e Olivias. (D.D/Shuplaka)
