Ka përfunduar mbledhja e sotme e KLD-së, e cila lidhej me fatin e disa gjyqtarëve të rëndësishëm në vendin tonë.
Kështu KLD ka pranuar sot dorëheqjen e e dy gjyqtareve Brunilda Kasmi dhe Merita Xhani.
Nga ana tjetër KLD ka rrëzuar kërkesën e ministres Etilda Gjonaj që kërkonte shkarkimin e tre gjyqtarëve.
Gjyqtarët Petraq Curri, Ken Dhima dhe Erdys Selmani do të qëndrojnë në detyrë, pavarësisht kërkesës nga ana e ministrisë së drejtësisë.
Më herët u rikthyen në detyrë dhe gjyqtaret Shpresa Becaj dhe Pajtime Fetahu.
Becaj është emëruar sot si gjyqtare pranë Gjykatës së Apelit të Tiranës me vendim të KLD, pasi ka fituar me dy vendime gjyqësore.
Me rikthimin e saj në sistemin e drejtësisë, gjyqtarja Shpresa Beçaj pritet t’i nënshtrohet dhe procesit të Vettingut, ku do të kontrollohet për pastrëtinë e figurës dhe pasurinë.
(E.K/FAXWEB.AL)
Discussion about this post