Kreu i Partisë Republikane, Fatmir Mediu, ka mbledhur së fundmi strukturat drejtuese, vetëm një ditë përpara zhvillimit të protestës së paralajmëruar të opozitës më 18 shkurt.
Në fjalën e tij, një ditë përpara zhvillimit të protestës që opozita ka siguruar se do të jetë masive, ai shprehet për zgjedhjet e lira, qoftë edhe me qeveri teknike.
Duke vënë theksin tek garantimi i zgjedhjeve të lira e të ndershme, Mediu shprehet se kjo protestë zhvillohet kundër kanabizimit, kundër bandave, si një përpjekje për të rikthyer shpresën.
“Më 18 shkurt protestë për të rikthyer shpresën, protestë kundër kanabizimit, protestë kundër bandave. Zgjedhje të lira, qoftë me dhe qeveri teknike. Është detyrë e opozitës garantimi i zgjedhjeve të lira.”, mësohet të jetë shprehur ndër të tjera kreu i PR-së. (XH.A/SHUPLAKA)
