Basha kërkon shkarkimin e tij, ministri Xhafaj jep SQARIME mbi ngjarjen në Elbasan: Dy fiset që janë në hetim.
Ministri i Brendshëm Fatmir Xhafaj ka dhënë sqarime në lidhje me situatën e krimit në Elbasan dhe ngjarjet e fundit shumë të rënda. Xhafaj tha se ka urdhëruar një analizë të plotë të ngjarjes në fjalë.
Po ashtu ministri i Brendshëm sqaroi se ai ka urdhëruar një analizë të plotë të ngjarjes dhe se shumë shpejt Policia dhe Prokuroria do të thonë fjalën e tyre.
FJALA E PLOTË E XHAFAJT:
PD ka një qëllim të vetëm që të nxijë imazhin e vendit, atë që ke bërë çdo ditë në të gjitha kancelaritë e vendit. Ne nuk kemi thënë që në këtë vend nuk ka grupe kriminale, edhe kur ajo ka qenë e dhimbshme për ne. Kemi pasur kurajo që të pranojmë të vërtetën. Ka dy shembuj të kultivimit të kanabisit në vendin tonë.
Historia e famshme e Lazaratit dhe Dukagjinit kur ju keni qenë në pushtet dhe Ministër i Brendshëm, ku kultivimi bëhej nën mbikëqyrjen tuaj. Dhe është historia tjetër e këtyre katër viteve të fundit, ku ka pranuar dhe realitetin aspak të këndshëm të vitit të kaluar, po që tashmë ka një tjetër pamje. Për herë të parë në vitet e fundit kemi numrin më të ulët të kultivimit të kanabisit, që do të bëjë që vendi të mos jetë më në listën e vendeve që kultivojnë kanabis.
Kjo nuk është një luftë që mbaron sot, është një betejë që do të kërkojë përherë e më shumë sakrifica, askush nuk thotë që do ndërpresë përfundimisht trafikun, vullneti është ai që ndryshon. Unë dhe qeveria i ndjek me vëmendje dhe është e kujdeshme ndaj të gjitha kritikave tuaja konstruktive, po nuk është nevoja që të nxijmë gjithçka dhe për gjithçka. Ju iu referuar ngjarve të Elbasanit, të cilat më obligojnë mua si Ministër I brendshëm të raportojë.
Ngjarjet janë të lidhura me vrasje dhe tentative vrasje që datojnë nga viti 2005 deri në vitin 2015, disa prej këtyre ngajrjeve kanë nddodhur jashtë territoreve shqiptarë, ka pasur disa emra që janë arrestuar dhe më pas liruar nga drejtësia e kalbur.
Dua të konfirmoj se qasja joprofesionnale ndaj individëve të tillë ka inkurajuar rritjen e krimit. Ngjarjet e fundit në Elbasan janë rrjedhojë e rritjes së rolit të Policisë së Shtettit. Si ministër i Brendshëm kam urdhëruar analizën e plotë në këtë qark. Kam kërkuar që të sqarohet jo vetëm ngjarja në fjalë, po një analizë më të plotë, lidhur me këto dy grupe kriminale Çela dhe Çapja.
Kamkontaktuar me drejtues të Prokurorisë dhe u kam kërkuar mbështetjen time personale dhe si ministër. Në dijeninë time Prokuroria është duke zhvilluar hetime intensive dhe është rasti që ajo të dëshmojë që është në lartësinë e detyrës, do jetë një analizë që do ketë emra konkretë. Është e rëndë dalja në media e pamjeve hetimore. Unë si ministër dhpreh mbështetjen për Policinë, këtë kërkoj edhe nga ju që kërkoni të përfitoni politikisht nga këto ngjarje.
Nuk dua të shfaqësoj aspak problemet e mija apo të strukturave të Policisë së Shtetit. Për Elbasanin unë mbështes edhe qëndrimet e mediave pavarësisht se ka komente që nuk i përshtaten realitetit. Prokuroria dhe Policia nuk e kanë thënë akoma fjalën e tyre.
(E.K/SHUPLAKA)
Discussion about this post