Fatmira Breçani, është një këngatare e cila njihet për këngët popullore të zonës së veriut, e kryesisht Tropojës, pasi origjina e saj është nga ky vend.
Fama më e madhe e saj ka arritur me këngët që i ka dedikuar ish-kryeministrit, Sali Berisha.
E ftuar në emisionin ‘Ditë e re’, ajo nuk e fshehu respektin që ka për Berishën, por tha se nuk ka kënduar vetëm për të, por edhe për liderin e kohës komuniste, dikatatorin Enver Hoxha.
Rrethanat dhe koha e kanë detyruar këngëtaren të këndojë edhe për ish-diktatorin.
Mes batutave, Fatmira thotë se ajo dhe kolegët kanë çarë përpara me fytin dhe jo politikën.
“Unë Salën e dua me shpirt, nuk ka burrë nëne që ma ndryshon këtë gjë. Nuk jam e politizuar, jam artiste. Kam kënduar edhe për Enverin sepse jam këngëtare e asaj kohe. Janë të njëjtë për ne. Kemi ec përpara me ‘fytin’, tha këngëtarja. (E.V/Faxweb.al)
Discussion about this post