Analisti i njohur Fatos Lubonja deklaron publikisht se e mbështet protestën e Partisë Demokratike. Gjatë pasdites së sotme, ai është shprehur se është i mendimit se kërkesat opozitës janë të drejta.
“Kërkesat e paraqitura në protestën e opozitës janë të drejta. Unë e mbështes protestën e PD, por pa hipur në anijen e protestës. Them se jam dakord me kërkesat e tyre, për zgjedhje të lira e të ndershme, por nëse rruga e tyre ndryshon, do të hedhin nga anija e tyre, sepse unë do them ikim këtej, dhe ata ikim andej”, tha Lubonja.
Ndër të tjera, analisti shpreh edhe mendimin tij mbi ngjashmëritë dhe ndryshimet midis protestës së PD-së dhe asaj të PS-së para disa vitesh. Një ndryshim i rëndësishëm sipas tij ka të bëjë edhe me qëndrimin e ndërkombëtarëve.
“Ngjashmëria me protestën e PS disa vite më parë është tek çadra, tek bllokimi i bulevardi, tek protesta. Por ka edhe diferenca. Sot shoh një faktor ndërkombëtar shumë më pak të rëndësishëm. Edhe qëndrimi i opozitës ndaj ndërkombëtarëve tashmë është i ndryshëm. Nuk i shohin më si negociatorë. Edhe vetë eurodeputeti Fleckenstein u shpreh se me Bashën do të zhvillohej një takim për të biseduar mbi çështje të caktuara, dhe nuk do të negociojë për protestën. Dhe reagimi i Fleckenstein ishte i pritshëm. Unë bëj pjesë tek ata njerëz që përmirësimin e situatës në vend e presin nga shqiptarët e jo nga ndërkombëtarët”, vijoi më tej Lubonja. (D.D/Shuplaka)
Discussion about this post