Dixheji i njohur Fedde Le Grand ka deklaruar se do të donte shumë që të bashkëpunonte me Rita Orën. Fede Le Grand ka qenë i ftuar mbrëmjen e djeshme në një nga clubet më të famshëm të Tiranës për të performuar hitet e tij. Gjatë një interviste të dhënë atij i ka ‘’shkarë’’ goja duke treguar për një bashkëpunim me këngëtaren shqiptare me famë botërore Rita Ora.
Ai është shprehur se vitin e kaluar ata kishin përgatitur diçka përsa i përket vokaleve dhe gjithçka ju mbetej ishte finalizimi, por ky duet nuk e ka njohur dritën e transmetimit për shkak të disa problemeve të Ritës me shtëpinë e saj diskografike ‘’Roc Nation’’.
Ai rrëfen se ka shumë këngë të cilat nuk janë të publikuara, janë shumë herë më të mira se sa ato që janë tashmë në treg. Të jetë e vërtetë vallë? Le të presim dhe të shikojmë. Gjithsesi shpresojmë që t’i shohim të dy artistët shumë shpejt në një bashkëpunim, pse jo frytdhënës. (A.D/Shuplaka)
Discussion about this post