Ndërpritet kontrata me Paolo Tramezzanin. Federata Shqiptare e Futbollit i ka dhënë fund bashkëpunimit me ndihmëstrajnerin italian të Kombëtares shqiptare.
”Federata Shqiptare e Futbollit bën me dije se ka zgjidhur sot kontratën me Paolo Tramezzani-n, zv.trajnerin e Kombëtares së futbollit dhe drejtor teknik i kombëtareve të moshave.
Me këtë rast, Federata Shqiptare e Futbollit falënderon Tramezzani-n për punën e bërë gjatë këtyre viteve me ekipin kombëtar dhe kontributin e dhënë për ngjyrat kuqezi. Njëkohësisht, Federata i uron atij suksese në të ardhmen.”, njofton FSHF-ja.
Sot Tramezzani ka nënshkruar me Luganon në Zvicër dhe me ç’shihet FSHF-ja ia ka lënë të hapur mundësinë italianit për të drejtuar zvicerianët. Tani i mbetet në dorë De Biasit dhe FSHF-së për të zgjedhur pasardhësin e Tramezzanit. (V.G/SHUPLAKA)
Discussion about this post