Përfaqësuesja e lartë e Bashkimit Europian Federica Mogherini do të takohet sot me liderin e Partisë Demokratike, Lulzim Bashës. Ky fakt është bërë i ditur nga delegacioni i Bashkimit Europian.
Po të njëjtat burime theksuan se të gjithë liderët politikë janë të ftuar që të takohen me Mogherinin, e cila pritet të vijë pasditen e sotme në kryeqytet. “Përfaqësuesja e larte e BE do te takohet gjate turit te saj ne rajon me ldieret politike. Lideret politike jane ftuar qe te takohet ne tirane me te, duke perfshire edhe zotin Basha”, pohon delegacioni.
Dje u përfol se Mogherini nuk do të takohej me kreun e PD-së, Bashën. Po kështu Basha sqaroi edhe arsyet se pse Mogherini nuk do të takohej personalisht me të. “Pjesë e axhendës së saj do të jetë një takim me përfaqësues të partive politike, pjesë e takimit do të jetë edhe përfaqësuesi i PD. E rëndësishme është ajo që po i thuhet asaj. Do i thuhet që pacienti ka kollë të lehtë dhe do shurup apo që ka kancer dhe duhet futur urgjentisht në operacion. Unë e kam takuar zonjës Mogherini dhe do takoj sërish si kryeministër i Shqipërisë”- tha Basha. (J.V/Shuplaka)
Discussion about this post