Tashmë që fëmijët e tyre janë rritur Ilir Meta dhe Monika Kryemadhi ndiejnë mall për të përkëdhelur një bebe. Sot në ditën e fëmijëve ata kanë zgjedhur ta kalojnë mëngjesin me Arian.
Duke postuar foton në rrjetet sociale, Kryemadhi nuk ka munguar me një urim për të gjithë fëmijët e vendit.
‘’Nuk ka aromë më të dashur në botë se ajo e bebeve.Sot në mëngjes me Ilirin takuam Arian, që na bëri të kuptojmë se fëmijët tanë janë tashmë të rritur dhe na kishte marrë malli për të mbajtur dhe përkëdhelur një bebe. Zoti i bekoftë të gjithë fëmijët shqiptarë në këtë 1 qershor.
Çdo ditë është e rëndësishme për fëmijët tanë, por sot duhet të përpiqemi t’i gëzojmë ata pak më shumë se ditët e tjera. Ndaj sipas mundësive, le të jemi sa më pranë tyre dhe t’i bëjmë të ndihen të lumtur e të gëzuar. Nuk ka gjë më të shtrenjtë se fëmijët dhe asgjë më të bukur në botë se buzëqeshja e tyre. Le t’a shndërrojmë këtë ditë në gëzim për të gjithë fëmijët shqiptarë.
Ne me projektin tonë do të jemi gjithmonë në mbështetje të politikave për kujdes shëndetësor dhe arsimim të shkëlqyer për të gjithë fëmijët dhe kujdes special për fëmijet me nevoja speciale. Sepse ne besojmë te familja, te vlerat e saj dhe për këtë do punojmë çdo ditë me përkushtim’’, shkruan Kryemadhi. (E.K/SHUPLAKA)
Discussion about this post