Pas vendimit të qeverisë për të mbyllur shkollat, kopshte dhe çerdhet për 2 javë si masë paraprake për frenimin e përhapjes së Koronavirusit, ka reaguar dhe demokrati Lulzim Basha
“Pas vendimit për mbylljen e shkollave, kopshteve dhe çerdheve, duhet që shteti të paguajë apo kompensojë me vlerë të plotë një nga prindërit në marrëdhënie pune që duhet të kujdeset për fëmijët e vegjël gjatë kohës që çerdhet, kopshtet dhe shkollat qëndrojnë të mbyllura”, është shprehur Basha në Twitter.
Qeveria mori vendimin për mbylljen e shkollave pas konfirmimit të dy rasteve me koronavirus (babë e bir) mbrëmjen e djeshme. Djali 28 vjeçar ishte kthyer nga Firence pak ditë më parë ndërsa mësohet se ka infektuar dhe të atin e tij. Grupi i Task Forcë i ngritur për këtë çështje në një prononcim për shtyp bëri me dije se u është marrë tampon për test kontakteve më të ngushtë të të infektuarve si dhe janë dërguar për karantinë e janë vetëkarantinuar rreth 24 të tjerë.
