Dy persona kanë mbetur të plagosur me thikë këtë të hënë pas një sherri mes disa persona të tjerë. Ngjarja ka ndodhur pranë Parlamentit, rreth orës 14:20 në rrugën “Murat Toptani”. Nga ky sherr kanë ngelur të plagosur shtetasit A. S., 24 vjeç dhe E. E., 24 vjeç, të cilët ndodhen në Spitalin e Traumës, jashtë rrezikut për jetën.
Policia sqaron se janë identifikuar edhe dy autorët plagosjes, shtetasit E. N. dhe D. D. Po punohet për kapjen e tyre. Nga hetimet parapreke dyshohet se shkak i konfliktit është për motive banale.
Sipas një portali online motivi i sherrit ka qenë një femër, për të cilën kanë ‘luftuar’ dy prej tyre, ndërsa dy të tjerët kanë qenë miq.
Sherri ka nisur fillimisht në Facebook për arsye xhelozie dhe më pas të rinjtë kanë lënë një takim për t’u sqaruar, por që në gjaknxehtësi e sipër kanë nxjerrë armët e ftohta dhe janë përleshur.
Vajza dyshohet se kishte lidhje me të dy të rinjtë që janë përleshur me thika, por nuk dihet se kush është. (J.V/Shuplaka)
Discussion about this post