Nga një studim i realizuar nga Organizata e Kombeve të Bashkuara, ka rezultuar se gratë në Shqipëri janë më të shkolluara se sa meshkujt.
Në studimin “Gratë në shkencë” rezulton se 54% e të diplomuarve në arsimin e lartë janë femra dhe kjo shifër është edhe më e lartë në studimet pasuniversitare. Raporti tregon se 58% e studentëve që mbrojnë doktoraturën janë femra.
Megjithatë gjinia femërore duket se çalon në raport me gjininë mashkullore në fushën e kërkimeve. Femrat shqiptare zënë 44% të totalit, çka tregon angazhimin më të madh të meshkujve në këtë fushë.
“Në Shqipëri, shpenzimet për shkencë dhe kërkim janë shumë të ulëta. Në vitin 2016, ato zunë 0.35 për qind e Bruto Prodhimit nga 0.4 për qind që ishte në vitin 2017”, citohet në raportin e raportuar nga “Mapo”.
Ky hendek vihet re edhe në rang botëror, ku numri i femrave të angazhuara në fushën e kërkimeve shkencore është i ulët.
Por pavarësisht rritjes arsimore dhe kualifikimeve, gratë në Shqipëri rezultojnë më pak të paguara se sa meshkujt. (XH.A/SHUPLAKA)
Discussion about this post