Është dorëzuar kandidatura e parë zyrtare për postin e Prokurorit të Përkohshëm. Ferdinand Elezi është kanidati i pari për Kryeprokuror të Përkohshëm. Ka qenë vetë Ferdinand Elezi ka dorëzuar kandidaturën për këtë garë, raporton “Fax News” . Deri më tani Elezi mban postin e Prokurorit në Prokuorinë e Apelit Durrës.
Kuvendi ditën e nesërme do të bëjë publike listën me emrat për këta kandidatë. Duhet të theksojmë afati i fundit për dorëzimin e kandidaturave është dita e nesërme ora 18:00.
Duhet të sjellim në vëmedje që kërkesa e prokurorit Ferdinand Elezit për një vërtetim për vjetërsinë e tij në punë ka përforcuar dyshimet se ai do të jetë një prej kandidatëve për Prokuror të Përgjithshëm të përkohshëm.
Prokurori i Përgjithshëm i përkohshëm pritet të zgjidhet vetëm me votat e socialistëve dhe nuk do të ketë nevojë të hyjë në procesin e Vetingut. Ai do të mund të ushtrojë të gjitha kompetencat që gëzon Prokurori i Përgjithshëm dhe mund të zgjidhet me shumicë të thjeshtë në parlament.
Bllokimi i Këshillit të Lartë të Prokurorisë dhe përfundimi i mandatit të Adriatik Llalës i ka dhënë mundësinë socialistëve të zgjedhin prokurorin e tyre të përgjithshëm dhe Ferdinand Elezi ka qenë një ndër kandidaturat e përfolura. Mandati i Llallës mbaroi më 7 dhjetor.
(J.V/Faxweb)
