Nëntori është muaji kur fermerët përgatiten për të shitur prodhimin e duhanit. Ky vit nuk ishte shumë i mbarë, por prodhuesit e bimës industriale shpresojnë që çmimi të jetë i lartë. Ky që po shihni në pamje është fermeri Haki Duka nga fshati Kështjellë në Bashkinë Elbasan. Teksa e gjetëm duke përgatitur kutitë për të dorëzuar mundin e një viti, thotë se ka një jetë që merret me kultivimin e duhanit por interesi për këtë kulturë është rritur veçse vitet e fundit.
Që njerëzit punëtorë si Hakiu të mos heqin dorë nga puna ai kërkon mbështetje me subvencione nga shteti.
Gazetarja e Faxnews Entela Duka thotë se rritja e çmimit të duhanit ka shtyrë shumë fermerë ti rikthehen kësaj kulture. Aktualisht burrë e grua i mbjellin tokat duhan për të siguruar mbijetesën.
Këtë vit 61-vjeçari thotë se parashikon një përgjysmim të prodhimit për shkak të nxehtit të pazakontë çka stimuloi dhe një sër sëmundjesh më pas, por ai sërish gjen mundësi të përcojë mesazhin e tij për njerëzit e lidhur ngushtë me tokën, njëjtë si ai.
Në Qarkun e Elbasanit zona e Dumresë njihet më së shumti për kultivimin e duhanit, por dhe në fshatra të veçantë të Elbasanit ka fermerë që e kultivojnë bimën industriale.
Discussion about this post