Festa e Fitër Bajramit, Ilir Hoxholli: Do ti thosha qeverisë, kujdesu për të varfërit 11 muaj se 1 muaj kujdesen myslimanët me Ramazan

Ditën e sotme është festuar Fitër Bajrami, i cili pas 30 ditëve agjërim, festohet nga të gjithë besimtarët mysliman.

I ftuar në FaxNews ka qenë nismëtari i aktiviteteve të bamirësisë Ilir Hoxholli, i cili foli gjatë për temën e ditës.

Ai ka folur për rëndësinë e Muajit të Ramazanit dhe se pse festa e Fitër Bajramit është kaq e shenjtë për besimtarët.

Hoxholli tha  se ‘Fitër’, do të thotë kthimi në natyrshmëri.

Në fjalën e tij ai tha: “Festa e Bajramit, është pjesa me e bukur, pasi në këtë periudhë ti nuk flet keq për njerëzit, je në kontroll. Beteja më madhe është ajo me veten, je larg çdo lloj sprove, pasi heq dorë nga gjerat më bazike, që është ushqimi”.

Por çfarë është agjerimi?

Haxholli tha se agjëruesi ka dy gëzime kur çel iftarin dhe shpërblimin e Zotit.

“Ke arritur të fitosh betejën me veten, do të thotë të shtypësh lakminë që ke brenda. Sot ke njerëz që mbledhin pasuri pafund dhe më vjen të huazojë një shprehje në këtë rast: Nuk është problemi se nuk po ushqejmë dot të varfërit, por nuk po ngopim dot të pasurit”, tha ai.

(E.V/Faxweb.al)