Kryeministri Edi Rama ka uruar besimatarët myslimanë për festën e Kurban Bajramit përmes një postimi në rrjetet sociale.
Në urimin e tij, Rama ka bashkangjitur disa foto të Xhamisë së Pazarit në Gjirokastër, e cila sipas tij është rikonstrukturuar duke e nxjerrë në dritë godinën e kultit.
Postimi i plotë:
Dhe me këto pamje të punës së bukur për nxjerrjen në dritë të Xhamisë së Pazarit në Gjirokastër, GËZUAR KURBAN BAJRAMIN ?
Më herët edhe Kreu i Shtetit, Ilir Meta ka uruar besimtarët myslimanë me rastin e festës së Kurban Bajramit duke përcjellë mesazhe paqeje, solidarizimi dhe tolerance.
“Kjo festë që vërteton harmoninë e bashkëjetesën tonë fetare, uroj të na nxitë për më shumë tolerancë, dialog gjithpërfshirës dhe bashkëpunim, në mënyrë që të gjithë së bashku të ndërtojmë një të ardhme më të mirë e të begatë për brezat e rinj dhe një Shqipëri si gjithë Europa!”, shkruan Meta ndër të tjera në facebook.
Presidenti shprehet se është koha që na fton të ngrihemi mbi interesat personale, për të menduar më shumë për interesin e përbashkët kombëtar, sipas tij për të shëruar njëherë e përgjithmonë plagët e thella të shoqërisë, varfërinë, korrupsionin, polarizimin e tejskajshëm, arrogancën dhe padrejtësinë (lexo ketu).
Rreth mesnatës edhe kreu i opozitës, Lulzim Basha ka shprehur urimet e tij për besimatarët myslimanë por jo vetëm.
“Të dashur vëllezër dhe motra besimtarë myslimanë, ju uroj nga zemra Gëzuar Festën e Sakrificës, këtë kremtim të shenjtë të fuqisë së besimit tek Krijuesi. Zoti ju faltë mirësi, mbarësi dhe shëndet ju dhe familjeve tuaja dhe Zoti e bekoftë Shqipërinë e shqiptarët kudo ku janë!”, shkruan Bashan ë Facebook.
(F.GJ/FAXWEB.AL)
