I ftuar në studion e Fax News ditën e sotme analisti fetar, Ferdinand Samarxhi ka folur ditën e sotme për festën e Novruzit . Ai ka shpjeguar gjithë ritet e kësaj feste por gjithashtu ka dhënë dhe një mesazh të fortë për politikën.
I pyetur nga gazetarja për kuptimin e kësaj dite Samarxhi është shprehur se kjo është dita e adhurimit të natyrës dhe jetës.
“Ështe dita e besimtarëve bektashinj, një ditë kjo që simbolizon ardhjen e pranverës. Në këtë kohë mjafton vetëm atmosfera e pranverës, edhe jeta ringjallet. Bektashinjt e duan natyrën prandaj këtë festë e lidhin me atë. “
Ndërkohë që sipas tij kjo ditë, pra 22 marsi nuk është e rastësishme.
“Kjo ditë nuk është e rastësishme sepse gjithë bektashinjtë e botës e njohin këtë si një ditë kundër luftës. Në këtë ditë është udhëhequr lufta kundër dallimit fetar dhe integritetit njerëzor.”
Ai ka vijuar më tej dhe ka treguar ritet e festës se Novruzit.
“Besimtarët mblidhen në Teqe ku falen dhe luten , adhurojnë të gjitha mirësit që të fal Zoti. Ndërkohë që simbolika e mikpritjes në familjet bektashije është embëlsimi me sherbet dhe qumësht. Në shtëpi gatuhet byreku me 12 lakrat, ku futet dhe leku. Sot bëhet gjithashtu dhe kurban.”
Një mesazh të fortë analisti fetar , Samarxhi e ka patur dhe për politikën dhe situatën aktuale në Shqipëri. Ai është shprehur se sot pjesëmarrës në festë ishin dhe krerët e shtetit. Nga ana tjetër ata duhet të mundohen të gjejnë një gjuhë të ndërmjetme për një demokraci të denjë.
“Edhe përfaqsuesit e shtetit ishin në kryegjyshatë sot. Jo vetëm njerëzit por dhe politika duhet të gjejë gjuhën e vetë, të përbashkët. Ata duhet të rrisin shpresat për një demokraci të vërtetë”. – përfundoi fjalën Ferdinand Samarxhi
Festa e Novrusit është një festë e cila festohet në të gjithë botën nga besimtarët bektashinjë.
https://www.facebook.com/faxweb.al/videos/267831987440708/
Discussion about this post