Edhe këtë vit, politika e festoi e ndarë 28 dhe 29 Nëntorin. Të djathtët nuk e njohin 29 Nëntorin si festë, ndërsa e majta vazhdon ti japë asaj sa më shumë rëndësi.
Edhe presidenti Bujar Nishani, i ftuar në “Tonight Ilva Tare” e komentoi këtë fakt duke u shprehur se “28 Nëntori është festa e vetme kombëtare”.
“28 Nëntori është festa e vetme kombëtare. Ka kontributin historik, angazhimin historik të disa gjeneratave dhe të shqiptarëve pavarësisht se ku jetojnë, brenda Shqipërisë politike apo në rajon. Të gjithë kanë kontributin e tyre. Unë mendoj se nuk mund të ketë konkurim të 28 Nëntorit me asnjë eveniment tjetër qoftë edhe i 29 Nëntorit që unë e kam respektuar si një datë zyrtare e sanksionuar në ligj dhe Presidenti pavarësisht pikëpamjeve që mund të ketë”, deklaroi Nishani.
Njësoj si vendet e tjera të Europës, presidenti Nishani propozoi që Dita e Çlirimit të jetë 8 Maji.
