“Zotërit e krimit janë duke u tallur me qeverinë që shpenzon 100 milionë paund për të rritur sigurinë në burgje”.
Kështu nis një tjetër shkrim që agjensia britanike e lajmeve “Daily Mail”, i ka kushtuar faktit që të dënuarit shqiptar në burgjet angleze përdorin lirshëm celularët brenda qelive dhe komunikojnë jashtë hekurave, si të ishin në liri të plotë.
Një hetim i Daily Mail, identifikoi të paktën shtatë të burgosur të cilët përdorin celularë dhe janë të azhurnuar me median sociale në muajin e kaluar.
Media britanike thotë se ndër personat e identifikuar që e bëjnë këtë gjë, “është edhe një baron droge shqiptar, i dënuar me 12 vjet heqje lirie për drejtimin e një bande që trafikonte kokainë dhe kanabis. Ai përdor telefon në burg, duke postuar video live në Facebook. Postimet e tija shihen deri nga 70,000 njerëz”.
Në një postim të këtij “baroni droge” që ka parë Daily Mail javën e kaluar, shqiptari shkruan “Zjarr në qeli”.
“Në video, ai filmon veten dhe të burgosurit, të cilët shihen me celularë në duar teksa janë duke kërcyer dhe qeshur”, shkruan Daily Mail, e cila nënvizon se këto festa janë çdo të shtunë në burg.
Pas publikimit të Daily Mail, Ministria e Drejtësisë tha se llogaritë e medieve sociale të përdorura nga shtatë të burgosurit ishin të mbyllura. Telefonat u konfiskuan dhe të burgosurit po përballen me ndëshkime. Trafikanti i kokainës Ndriçim Musaj u burgos për nëntë vjet në gusht të 2016, pasi oficerët i sekuestruan një mitraloz dhe drogë me një vlerë prej 6.4 milion paund. Por muajin e kaluar ai postoi një fotografi të vetes në faqen e tij në Facebook të ulur në një stol në kopshtin e burgut me titullin ‘Ndjehem mirë’, ’së bashku me një emoji të një fytyre të buzëqeshur.
Ai i tha një reporteri nga Facebook se ishte ‘në burg’ dhe madje me krenari i dërgoi një shkrim gazete për dënimin e tij për trafikun e drogës. I pyetur se sa kushtoi të futej një telefon në burg, ai tha: ‘1.500 paund’./Përkthyer nga Daily Mail/
Discussion about this post