Jemi në prag të festave të fundvitit dhe shumë shqiptarë po mendojnë ti kalojnë ato jashtë Shqipërisë. Por kujdes! Në këtë periudhë çmimet e biletave të avionëve rriten akoma më shumë. Vlerës së shtrenjtë të tyre i duhet shtuar edhe numri i kufizuar dhe orët e vona të nisjes.
Sipas një investigimi të Tv Klan, nga aeroporti i Tiranës, një biletë për në Paris fillon nga 270 euro, por vetëm nëse kalon kohë të gjata pritje në tranzit.
Një alternativë tjetër mund të jetë Viena, me linjë direkte, ku sigurisht që do të paguash më shumë. Nëse pret një biletë për në kryeqytetin e Austrisë, çmimi vajtje –ardhje është 341 euro.
Çmimet më te kripura janë ato për natën e ndërrimit të viteve në Dubai, biletat e kalojne edhe shifren e 500 eurove
Ndryshe është nëse zgjedh të udhëtosh nga një tjetër aeroport në rajon. Shkupi ka oferta për ditët e festave ku çmimi varion nga 36 euro për Parisin, Barcelonën, Venecian, e nëse do një dimër tipik, atëherë shto dhe 6 euro të tjera për të udhëtuar drejt Oslos apo Kopenhagenit.
Nga Aeroporti “Adem Jashari” I Prishtinës Parisi vlen 57 euro, ndërsa për Stamboll e Oslo të duhen 65 euro.
Edhe kete viti Aeroporti “Nënë Tereza” mban rekordin e çmimeve më të shtrenjta të avionëve në rajon dhe jo vetëm.
